2866/2024-2025

Dated Hnahthial, the 6th November, 2024: Hnahthial Bawrhsap, Pi Rita Lalnunmawii Pachuau chuan Hnahthial District huam chhunga sava leh ramsa dang veh, kah leh awh khawpna thupek a hnuai ami ang hian a chhuah.

ORDER

(Under Section 163 of Bhartiya Nagarik Suraksha Sanhita, 2023)

Mizoram hmun hrang hrangah kan ramchhung nungchate tih rem mek zel a ni a. A bik takin favang leh thlasik lai hian Mizote hian ram vah, sapel leh sava veh hunah kan nei thin a. Kan ram chhunga nungchate chereu zel tur ven hi a tul em avangin Air gun, Air rifle leh Silai dang hmanga Sava leh ramsa dang veh/ kah hi khap a tul hle a ni.

Chuvangin, kei, RITA LALNUNMAWII PACHUAU, MCS, District Magistrate, Hnahthial District hian Section 163 of Bhartiya Nagarik Suraksha Sanhita, 2023- in thuneihno min pek angin thupek ka chhuah e:

"Hnahthial District huam chhungah Airgun, Air Rifle, Silai leh hmanraw dang hmanga Sava leh ramsa dang veh/ kah / awh hi khap tlat a ni"

He thupek zawm lo chu Section 223 of Bharatiya Nyaya Sanhita, 2023 dan hmangin hren theih a ni ang.

He thupek hian tul bik thila tihdanglam a nih loh chuan tihchhuah a nih atanga thla 2 (hnih) chhung a huam ang.