2865/2024-2025

Dated: Mamit the 6th of November, 2024 : Vawiin khan Shri Nirupam Chakma, Hon'ble Member National Commission for Scheduled Tribe chuan Mamit tlawhin, I&PR Conference Hall, Mamit-ah Mamit District chhunga Minority te kawmna a neih hnuin, DC Conference Hall-ah District Bawrhsap Pu Jacob Lalawmpuia kaihhruaina hnuaiah Mamit khawpui chhunga Head Of Office-te nen Review Meeting neih zui a ni.

Minority te kawmna I&PR Conference Hall-ah hian Pu Nirupam Chakma chuan India ramah hian Scheduled Tribe vaibelchhe 10 chuang kan awm mek a, enge an dinhmun leh harsatnate an nei em tih hriat saka hmuh sak tura tlawh an nih thu sawiin, an harsatna leh mamawhte thlen turin a ti a, chungte hmang chuan DC Conference Hall-ah Sawrkar Officials-te nen sawihona neih zuih anih tur thu sawiin an thu thlen hrang hrangte ngaihthlak sakin zawhna leh chhanna hun hman a ni.

Pu Nirupam Chakma chuan Mamit District dinhmun leh thlen chinte hrechiang tura tlawh an ni a, Sawrkar Officials-te chu mipui tana thawk an nih ang taka theihtawp chhuah a  ramin hmasawnna a hmuh theih nana thawk tura chahin, District-in hmasawnna tha zawk a hmuh theih nan kan zavaia tan rual a pawimawh thu a sawi. Mamit District chhunga sawrkar Department hrang hrangte'n an thlen chin leh hmalakte an tarlang bawk a ni.

Pu Jacob Lalawmpuia, District Bawrhsap-in Mamit District dinhmun tlangpui a tarlang a, mihring cheng hi 101290  awmin, In (households) 20902 a awm a, Villages 89 leh sub-villages 9 a awm a mek ni. Sex ratio hi 927 niin, Literacy rate hi 84.74% a ni a. Sawrkar Department hrang hrang 47 a awm bawk a ni.

Vawiin inhmuh khawmna zawh hian Pu Nirupam Chakna chuan Mamit District Hospital, Jawahar Navodaya Vidyalay, Luangpawl Mamit-te a tlawh a ni.