4010/2022-2023
Pi Ramdinliani, District Magistrate, Lunglei District chuan airgun, silai leh hmanraw dang hmanga sava leh ramsa veh chungchangah 27th March, 2023 khan a hnuaia mi ang hian thu a chhuah.
Tunlai hian Lunglei District huamchhungah sava leh ramsa chi hrang hrangte airgun, silai leh hmanraw dang hmanga veh an awm thin tih hriat a ni a. Kan ram chhunga sava leh ramsate an lo rem mai loh nan leh humhim an nih theih nan thupek chhuah a tul in ka hria a.
Chuvangin, kei, Ramdinliani, District Magistrate, Lunglei District, hian Sec 144 CrPC in thuneihna min pek angin, Lunglei District huamchhungah airgun, silai, thang leh hmanraw dang hmanga ramsa leh sava veh/kah/pelh/awh khap tlat a ni.
He thupek zawm lote chu IPC Section 188 hmangin hrem theih an ni ang.
He thupek hi vawiin March ni 27, 2023 hian District Magistrate seal-a nemnghetin ka ziah hnan e.
