2802/2024-2025
ORDER
Tun hun favang leh thlasik lai hian Mararam mipui ten ramvah, sapel leh sava veh huna kan neih thin a ni a. Heng hunah hian kan rama sava, ramsa leh sava pem chi te nasa taka suat an ni thin. Heng zingah hian khawchhak ram thlasik tlansana, ram lum (South Africa) lam a pan thin a, Mizoram hi chawlh lailawk nan an rawn hmang thin a ni. Sialsir (Amur Falcon - Amurensis)te pawh a tel ve fo thin a. Heng Sialsir (Amur Falcon -
Amurensis)te, sava dang leh nungcha dangte, kan ram chhunga thlamuang taka an chawlh/awm theih nan thupek chhuah tulin ka hria a.
Chuvangin, kei, Abraham Beirazi Khithie, MCS, Addl. District Magistrate, Siaha District, hian BNSS Section 163 (1)-in thuneihna min pek angin, Siaha District huam chhunga mipuite zawm turin a hnuaia mi ang hian thupek ka chhuah e;
Siaha District huam chhungah, November - December, 2024 thla chhung hian mi tumahin Silai, Rifle, Airgun, Sairawkherh (Sling) leh adangte hmang hian Ramsa leh Sava chi hrang hrangte vehin an kap/pel/that tur a ni lova, khap tlat a ni.
He thupek bawhchhetute chu BNS Section 223 hmangin hrem an ni ang.
He thupek hian chhuah a nih atanga thla hnih (2 months) chhung a huam ang. He thupek hi nemnghetin vawiin ni 30th October, 2024 hian hming ka ziah hnan e.
