Vawiin chawhnu khan Save Chite Lui Executive Committee chu Chief Secretary charge latu Pu Lalnunmawia Chuaungo, Principal Secretary hovin Chief Secretary Conference Hall-ah an thukhawm.
He hunah hian Chite Lui Comprehensive Plan of Action Phase–II duanchhin chu an thlir hova. Belh ngai leh paih ngaite sawiho a ni a, uluk zawka lo tuaihnum turin member 5 awmna Sub-Committee an ruat a ni. He Sub-Committee-ah hian SCLCC bakah Aizawl DC office, Environment, Forest & Climate Change leh SIPMIU atangtein member ruat an ni a. Phase-I a tihtur hmachhawp la awm te bawhzui dan tur pawh an sawiho nghal a ni.
Kawng siamna alkatra a pawlh turin plastic atanga thilsiam hman hnu hman tangkai dan tur ngaihtuah ho turin Principal Secretary, Finance kaihhruaina hnuaiah PWD hotute nen sawihona neih nise an ti bawk.
Meeting-ah hian SCLCC hruaitute leh sawrkar mi pawimawhte an tel a. Principal Secretary, Finance leh PCCF-te chu member ni tura ruat belh an ni.
