2879/2025-2026

Lawngtlai, 12th January 2026 : Sawhthing leh Hmunphiah ro leisak/support price- pek dan tur chungchangah a hnuaia mi ang hian Chairman, Lawngtlai District Agricultural Marketing Committee ( DAMC) chuan thuchhuah a siam.

OFFICE ORDER

Mizoram Agriculture Marketing Board (MAMB) hnen atanga thuchhuah vide letter No.B.13011/1/2024- MAMB dt. 5th December, 2025 kan hmuh angin sawhthing leh hmunphiah ro leisak/support price pek dan tur chu a hnuaia tarlan ang hian Lawngtlai District chhunga kalpui tur a ni.

1. Sawhthing-
i) Sawhthing support price hi primary society memberte tharchhuah chauh pek tur niin bag Tumah sawhthing neitu hming, khua, phone number leh Ration card number thil tel ngei tur a ni.

ii) Kum 2026 ah chuan Buffer Stock Point siam ani tawh dawn lova, Secondary Collection Centre (SCC) atangin sawhthing te hi hralh chhuah vek tur a ni.

iii) Sawhthing hi thil chhe hma lutuk tak anih avangin SCC hotuten ruahmanna mumal tak an siam tur a ni. Sawhthing chingtute pawhin an SCC hotute ruahmanna ngaichang chungin sawhthing an cho chauh tur a ni.

iv) SCC Kaltlanga sawhthing support price pek theih hun chhung (SCC a sawhthing lak theih hun chhung) hi February ni2 atanga May ni 30,2026 inkar a ni ang.

v) SCC-a sawhthing hralhchhuah reng reng DAMC aiawh, SCC Supervisor te enpuina hnuai zelah kalpui tur a ni.

vi) SCC atang mizothlaithar.mizoram.gov.in portal a upload tur pawh DAMC aiawh SCC Supervisor te enpuina hnuaiah zel kalpui tur a ni.

vii) Primary Society member te sawhthing tharchhuah chu Primary Collection Centre (PCC) a chhinchhiah fel anih hunah chauh Secondary Collection Centre (SCC) ah an kalpui tur niin sawhthing bag a chhinchhiahna chilh telh loh chu SCC ah chhinchhiah/record loh tur.

viii) PCC hriatpuina lehkha neilo te chu SCC ah sawhthing an hralh phal a ni lo.

ix) SCC enkawltu ten PCC atanga sawhthing an rawn dah chu a rihzawng dik taka an chhinchhiah hunah PCC hnenah Thlai Thleng Challan copy an pechhuak ngei tur a ni.

x) Sawhthing Support Price dawn beisei lo (claim tum lo) te chuan an duh dan ang leh tha an tih angin engtiklai pawhin an hralh thei reng a ni.

2. Hmunphiah ro-

i) Mizoram Sorkar chuan ZOHANDCO kaltlangin hmunphiah ro grade a then loh (thiat fel loh) kg khat Rs. 80/- zelin February ni 2 atanga March ni 31, 2026 chhungin Secondary Collection Centre (SCC) ah an lei dawn a. Hmunphiah chingtu ten kg khat Rs. 80/- emaw a aia to a hralhna an hria emaw ZOHANDCO hnena hralh kher an tumlo anih pawhin tha an tihna hmun apiangah leh hmunphiah leitu an duh apiang hnenah an hralh thei ang.

ii) Hmunphiah ro hralhna ah hian support price pek theih a ni lo.

iii) Hmunphiah ro lei duh te Deputy Commissioner/Chairman, DAMC ah registration tih kher a ngai tawh lova, Sawrkarin rate a siam anga an lei duh anih chuan engtiklai pawhin an duhna hmun apiangah hmunphiah ro an lei thei ang.

iv) Hmunphiah ro lei turte chuan Land Resources, Soil & Water Conservation Department ah Certificate of Origin an dil ang a, chumi hunah Transit Pass chu Environment, Forests & Climate Change Departmental dil leh theih a ni ang.

(DONNY LALRUATSANGA)

Deputy Commissioner

& Chairman, DAMC

Lawngtlai District, Lawngtlai