298/2026-2027

Dated Serchhip, 27th April 2026: Vawiin khan Serchhip District Bawrhsap leh DAMC Chairman ni bawk Pu Paul L. Khuma kaihhruaina hnuaiah Serchhip District Agriculture Marketing Committee (DAMC) leh Ropuiliani Women Farmers' Producer Company (RWFPC) te chuan sawhthing lei leh hralh chungchanga thawh hona neih dan tur an sawi ho.

He sawi honaah hian RWFPC Chief Executive Officer Pu Henry Saingura chuan Mizoram District 7-a sawhthing lei turin hma an lak mek thu a sawi a, bultanna atan Serchhip District chu an thlan thu a sawi. Ropuiliani Company-in loneitute thlai thar - sawhthing, aieng, leh hmarcha-an lei thin dan kalphungte tarlangin, sorkar flagship programme 'Bana Kaih' hnuaiah sawhthing chak zawka lei a nih theih nana sorkar hmalakna tichaktu ni tura an thawh mek thu a sawi bawk.

Serchhip District Secondary Collection Centre-a supervisor-te nena thawh hona tha zawk neih dan tur leh harsatna awm thei hrang hrangte he hunah hian sawi ho a ni a. RWFPC te hian SCC thenkhat, sawhthing lei leh hralh kawnga harsatna awm theihna hmun - E. Lungdar, Mualcheng, Lungpho, Chhingchhip, leh Serchhip-ah te sawhthing lei hna hi thawk tan turin ruahmanna siam a ni a. Sawhthing an leina record felfai tak siamin SCC Supervisors-te hnenah an thehlut thin dawn a ni.