2269/2024-2025

AIZAWL; the 27th September, 2024: Swachh Bharat Mission (Urban), UD&PA Department leh Swachh Bharat Mission (Grameen), PHE Department tangkawp ten an buatsaih Swachhata Hi Seva 2024 kalpui mek leh Faina Hapta (Cleanliness Week) 2024 pualin Sawkar Department hrang hrangin an office leh a chhehvel tihfai runpui  hnatlang vawiinah an nei.

Swachhata Hi Seva hnuaiah hian Mizoram pum huapin Faina kawnga hmalakna tur hrang hrang 2052 khawpui leh thingtlangah te ruahman a ni a. Cleanliness Target Units (CTU) bawlhhlawh chhek khawm tam zualna 398 thlanchhuah niin, heng zinga 262 hi tihfai tawh a ni. Swachhata Hi Seva Campaign 2024 hi September ni 17 atanga kalpui tan niin, October ni 2,2024 a khar tur a ni. Faina Hapta hi September ni 23-a tan niin, October ni 2-ah a kharna hun District zawng zawngah hman a ni ang.
India Hnampa Mahatma Gandhi pian champha leh Swachh Bharat Mission kum 10 tlin lawmna denchhennin October ni 2 hi Swachhta Diwas (Faina Ni) atan hman tur a ni a. Aizawl-ah a lawmna pui ber hi UD&PA Department leh PHED tangkawpin an buatsaih dawn a ni. Swachhata Hi Seva Campaign chhunga inelna hrang hrang buatsaih lawmman semna neih a ni nghal dawn a ni.
Swachhata Hi Seva campaign a hlawhtlin theih nan hian Chief Secretary kaihhruaina hnuaiah State Steering Committee din niin, District tinah Deputy Commissioner te kaihhruaiin District Steering Committee din vek bawk a ni.

Attachment

  • Loading attachment...