2270/2024-2025

27th September, 2024 : General Administration Department chuan Swachh Bharat Mission (Urban) leh Swachh Bharat Mission (Grameen) kaihhruaina hnuaiah Swachhata Hi Seva, 2024 ( Cleanliness Campaign Fortnight) chu Khawpui leh Thingtlangah hmanng turin Notification a tichhuak a. He Programme hi Ministry of Housing & Urban Affairs (MoHUA) leh Department of Drinking Water & Sanitation (DDWS) te tang kawpin a, Swachh Bharat Mission kum 10 tlin lawmna (10th Anniversary) puala an buatsaih a ni.

He hmalakna hi Ni 14th September, 2024- atanga 2nd October, 2024 inkar hian Mizoram Public Service Commission pawhin Sawrkar thu zawmin a hnuaia tarlan ang hian a kalpui a ni:-

  1. Commission Building-ah ‘Swachhata Hi Seva, 2024’ Banner tar a ni.
  2. He Cleanliness Fortnight chhung hian Section tinah darkar chanve (30mins) Faina pualin hun an hmang thin.
  3. GAD ngenna angin ‘Cleaning Day’ hi ni 27.09.2024 (Zirtawpni) hian MPSC hnuaia thawktu zawng zawng ten an hmang a, a bul tan nan Ram tana Service pawimawh tak mitin tih theih FAINA kawnga hmala tura THUTIAM (Cleanliness Pledge) lakna hun an hmang a. He hun hi MPSC Secretary Dr,H,Lianzelan kaihruaiin Pu R.Lalramnghaka Chairman MPSC in thutiam lakna a kaihruai a ni.

Mizoram Public Service Commission hnuaia thawktu ten chanvo insem theuhin Office, Examination Hall 14 leh a chhehvel zawng zawng tihfaina hun an hmang a, Officers leh Staff ten phur tak leh thahnemngai takin mahni chanvo theuh tha takin an thawk a. Bungraw hrang hrang tihfai, compound hnim sam fai leh a tul dang apiang thawkin nilenga hun hmangin he ‘Cleaning Day’ hi Mizoram Public Service Commission chuan hlawhtling takin a kalpui a ni. Tin, hetih rual hian Bio-metric attendance lakna device hman tanna Chairman hian officialin a puang bawk a ni.