2271/2024-2025

Dated Kolasib the 27th September 2024: Vawiin khan FCS&CA Minister Pu B.Lalchhanzova chuan August ni 28 a Hailakandi district a Killarbak khaw bula Tlawng lui lianin Railway Track a tih chhiat chu a hmunah a tlawh a. Railway track chhia hi Indian Railway lam chuan siam that tumin hma an la mek a ni.

Minister Pu B. Lalchhanzova lo dawngsawngtu Pu Sankalp Aggarwal , Dy CE, Indian Railway chuan Jamira Railway station bul mai a tuilianin rail kawng a tihchhiat chu siam tha turin theih tawp chhuahin chhun zan zawma an thawh thu sawiin, Minister hi a hmun a tlawhpui nghal a. Railway hotute leh hna thawktuten October thla chhungin an hna zawh hman an tum thu Minister hi an hrilh a ni.

Minister Pu B Lalchhanzova chuan tuilianin rail kawng a tih chhiat dan te a en hnu ah siamthat an tum dan plan te a thlir a. Chawllova hna an thawk chu fakawm a tih thu a sawi a. Rel kawng chhia chu Mizoram bakah Churachanpur lam buhfai supply luhna hnuk pawimawh tak anih angin siamthat thuai anih theih nan tan la lehzual turin a chah a. Pu Chhanzova chuan Mizoram Chief Minister Pu Lalduhoma pawnin September Ni 3 khan Railway Minister Pu Ashwini Vaishnaw hnenah Jamira Station bula rail kawng chhia hi siam tha thuai tura alo ngen tawh  thu a sawi a. A hmun atang hian Pu PR Kumar, DRM/Lumding pawh phone a be pawp nghalin Rail kawng chhia chu Siamthat thuai anih theih nan tan la sauh sauh turin a chah a ni.

Minister Pu B Lalchhanzova hi Sankalp Agarwal ADEN, Badarpur leh Pi Mrigakshi Das, ACS, Circle Officer Katlicherra ten an lo dawngsawng a. Mizoram lam atangin Pi Saizikpuii, MCS, Director FCS&CA,  Pi Zodinpuii Ralte , Divisional Manager,  FCI Mizoram, Pi Josephine Zonunsangi , SDO Civil Bairabi leh Pu R Zirliana,  DCSO Kolasib ten an tawiawm a ni.

Minister hian Gharmurra hmuna Synod Mission Compound chu tlawh nghal in thawktute nen in kawm hona an neia. Tawngtaina hun te hmangin a tul apianga an hman atan Presbyterian Mission  School Headmaster  Pu HC Laldinmawia kutah Cheng Singkhat a hlan bawk a ni.