2272/2024-2025

2024 Mimkut thla ni 27: Swachhata Hi Seva 2024 kalpui mekah vawiin khan Urban Development & Poverty Alleviation (UD&PA) Department, Lunglei leh Clean Lunglei organiser-te chuan Lunglei khawpui tui lak hnar, Pialthleng Hnar CTU (cleanliness target unit) then fai leh tui luan luhna khurpui hung hnatlang an thawk.

Pialthleng Hnar CTU hi Swachhata Hi Seva 2024 kalpui chhunga Lunglei khawpui huam chhung (urban area)-a vantlang hmunhma then fai ngai bik ruahman pariat zinga pakhat a ni a. Pialthleng Hnar hi Lunglei khawpui tui lakna hmun niin, khualzin leh teivak te'n bawlhhlawh an paihin he lai tui lak hnar hi a tibawlhhlawh ṭhin a. Vawiin khan UD&PA-a thawktute leh Clean Lunglei te chuan bawlhhlawh then fai hnatlang hi thawkin, tui luan luhna khurpuiah bawlhhlawh a luh theih loh nan ṭha takin an hung nghal bawk a. Haw lamah Pukpui kawngpui dunga bawlhhlawhte an chhar fai nghal bawk.

Heti hian Swachhata Hi Seva 2024 kalpui chhung hian Lunglei khawpui huam chhunga CTU ruahman pariat zinga pasarih - Zotlang CTU, Rahsi Veng CTU, Pukpui CTU, Ṭhuamluaia Mual CTU, Hrangchalkawn CTU, Theiriat CTU leh Pialthleng Hnar CTU-ah te faina hnatlang hi thawh tawh a ni.

Attachment

  • Loading attachment...