Sawrkar laipui Ministry of Social Justice and Empowerment thuchhuak angin NGO/Voluntary Organisation te chu NITI Aayog in a siam portal ngo.india.gov.in/auth/default.php ah in register vek a ngai tawh niin DC Aizawl chuan thuchhuah a siam.

He portal-a in register tur hian NGO/VO Board Member/Office Bearer te Aadhaar Number leh PAN neih ngei ngei a ngai a. He UID hi tanpuina (grants) dawng tura Central Sawrkar leh State Sawrkar nena an indawrna reng rengah a tul tawh dawn a ni. NITI Aayog portal-a in register NGO/VO te hnenah chauh tanpuina pek chhuah a ni ang. NGO/VO atanga tanpui dilna dawngtu department apiangin NGO/VO te chu NITI Aayog portal-a in register turin a hriattir ang a, chu registration No./UID tel lo chuan tanpuina pek theih an nih loh thu an hriattir zel ang. An dilna chu an process sak a nih pawhin NGO/VO in register-na proof tel lovin sanction pek loh tur a ni. ngogrants.gov.in website ah hian NIC lamin NGO/VO ten NITI Aayog portal atanga an UID/Registration No. dawn chu awlsam taka an chhut luhna tur an siam bawk ang.