4825/2024-2025

Dated, Aizawl, the 26th March 2025: Nimin atanga neih Ni 2 awhtur Kayakalp Scheme hnuaia Sawrkar Damdawi In te faina leh thianghlimna kawnga endiktu tur District hrang hrang te tan National Health Mission, H&FW Dept chuan training a buatsaih.

He training hi Dr. Lily Chhakchhuak, Mission Director, National Health Mission chuan hmanpuiin  damdawi in mawina, faina leh thianghlimna te, damdawi in atanga natna darh tur ven te, damdawi in bawlhhlawh sawngbawl dan dik taka sawngbawl te, eco-friendly chungchanga hmalakna te hi Kayakalp thiltum pawimawh tak a nih thu sawiin, training hian rah tha tak a chhuah ngei a beisei thu a sawi a. Thawktu te thawhhona tha nei a taima taka sawrkar leh mipuite tana thawk turin a chah.

He training hi Dr. R. Lalchhuanawma, State Nodal Officer, Quality Assurance, NHM in kaihhruaiin District tin Senior Chief Medical Officer te, District Hospital tin atangin Medical Officer, Nursing Superintendent, District Programme Manager te leh District tina Programme Assistant, QA leh NUHM aiawh staff te an tel a ni.

Kayakalp Scheme hi kum 2015 atang khan tihtan niin, sawrkar damdawi in te’n mawina, faina leh thianghlimna kawnga inelna chi khat a ni a. He scheme awm atang hian Mizoram chhung sawrkar damdawi inte’n nasa takin hma an sawn na sa em em a. Kayakalp hmanga inelna hi kum tinin kalpui thin a ni bawk.