2718/2026-2027

Dated Aizawl, the 16th October, 2026:  Minister Pu B. Lalchhanzova chuan vawiin khan Dawrpui Multipurpose Hall ah Mizoram Civil Service Sports & Cultural Association Annual Sports Meet vawi 37-na kharna hun a hmanpui.

He Annual Sports hi Mizoram sawrkar hnuaia  Department hrang hranga Sawrkar hnathawkten thawh hona leh inlungrualna tha zawk an neih theihna tura ruahman a ni a. He Annual Sports hi October ni 13-16, 2026 chhunga neih a ni a. Infiamna discipline chi hrang hrang paruk- Badminton, Table Tennis, Carrom, Tennis, Chinese Checker (Women only), Chess bakah Cultural Item ah te Competition neih a ni.

He Annual Meet ah  hian Mizoram hmun hrang hrang atangin sawrkar hnathawk mi 1400 zet an tel thei a,  He Annual Sports hlawhtlinna tur hian Mizoram sawrkara GAD Department chuan Aizawl khawpui chhunga sawrkar hnathawkte Special Casual Leave ni 4 leh Aizawl pawn te chu ni 5 pek an ni.

He Annual Meet Kharna inkhawm hi Er. Lalrinzuala Ralte, Sr. Vice President, MCSS&CA in a kaihruai a, Pu F. Lalramchuana, Secretary, MCSS&CA chuan Meet report a pe bawk. Result puan leh lawmman sem zui nghal niin, General Secretary Pu Rosangliana’n a kaihruai a ni.

Khuallian Pu B.Lalchhanzova chuan Sawrkar hnathawk kalkhawmte chu Sawrkar chak tak nei turin mimal tin an pawimawh a, lawm tak leh hlim taka an mawhphurhna theuh te rim taka thawka hlen chhuak turin a fuih.

He Annual Meet ah hian a pumpuiah Mizoram Police (Unarmed) chu Gold-8; Silver-10 leh Bronze-9, a vaiin medal 27 lain pakhatna an ni a. School Education Department chu pahnihna  niin, Public Works Department chu pathumna an ni.