2719/2026-2027

16th October, 2026: Accident avanga vanduaithlak taka boral ta Pu Nambibou Marinmai, IIS chhungte, Aizawla cham mek chuan vawiin khan Information Public Relations Printing & Stationery Minister Pu B Lalchhanzova chu a pisa, MINECO ah an tlawh.

Pu Nampibou Marinmai nupui Pi Aning Newmai, a fate leh a chhungkhat laina hnai te hian Minister hi a office ah hmuin an chhiat tawhna chungchangah Mizoram sawrkar, I&PR, MJA leh Mizo mupui ten nasa taka buaipui a an lo tuamhlawm avangin lawmthu an sawi a ni. 

Information Minister Pu B Lalchhanzova chuan Pu Nampibou Marinmai a uizia sawiin, Mizoram sawrkar leh media khawvel tan channa nasa tak a ni, a ti a. He chhiatna thleng avanga beidawng mai lo a, beiseina thar nen hmalam thlir turin a nupui fanau te a chah a ni. 

Pu Nampibou Marinmai, IIS, hi a thawhpui Dr Engam Pame, PIB hotu nen vanduaithlak takin October 1, 2026 khan Sateek daiah lirthei chesualah an boral a. Mizoramah thlahna hun buatsaih a nih hnuah an khaw lam panpui a ni.