2720/2026-2027

Lawngtlai, 16th October 2026 : Vawiin khan Lawngtlai District Skill Commitee chuan an Chairman leh Bawrhsap nibawk Pu Donny Lalruatsanga kaihhruaiin a Office Chamber- ah 'District Action Plan for Conduct of PM- NAM' chungchang sawihoin thutkhawm an nei.

Pu Donny Lalruatsanga chuan kalkhawmte chibai bukin PM - NAM (Pradhan Mantri National Apprenticeship Mela) chu sawrkarlaipuia Ministry of Skill Development and Entrepreneurship (MSDE) hnuaia programme a ni a,thalaiten company leh industry - hrang hrangah hnathawh hmanga thiamna an zir theihna, training remchâng an hmuh theihna leh hna hmuh theihna kawng hawngtu a ni, a ti a. Lawngtlai District- a he Programme tha taka kalpui turin ruahmanna felfai tak siam a pawimawh hle tiin, theihtawp chhuah a nih tur thu a sawi.

Pu Lalhruaizela, Memeber Secretary, chuan PM- NAM tlangpui sawizauna a nei a. PM- NAM kalpui tura Apprentice - 100 leh Employer - 10 neih a tul thu a sawiin,  'Posposed District Action Plan'  sawifiahna a nei bawk.

Thutkhawm chuan  PM- NAM kalpui turin  tun thla chhung ngeiin  Apprentice - 100 leh Employer - 10, tal zawng hmuh ni se an ti a. Hemi tur hian  'Sensitization Programme' kalpui tha tih niin, October ni 23 - ah neih ni se, a hmun atan DC Conference Hall- thlan a ni a, hemi rual hian Apprentice Registration - tihpui tu tur dah ni se an ti a ni.  November thla chhungin Job Mela- pawh kalpui leh ni se, a hmun atan Deputy Commissioner's Office Complex - thlan a ni.

Vawiin hun hmannaah hian Lawngtlai District Skill Commitee- te an tel kim tha hle a, Bawrhsap chuan lawmthu sawiin hun a khar.