2721/2026-2027

Lunglei, 2026 Khuangchawi Thla ni 16: Lunglei District Bawrhsap (Deputy Commissioner) bul tuma mipuite'n sawrkar hma lakna hrang hrangte an chhawr ṭangkai theih nan an khuaa kal chilha service hrang hrang chhawp chhuahsakna, "I Kawtkaiah Sawrkar" (Prashasan Gaon Ki Ore) chu vawiin khan Lunglei RD Block chhunga Vanhne khuaah Vanhne leh a chhehvel khaw mipuite tan buatsaih a ni.

Vanhnea "I Kawtkaiah Sawrkar" hun buatsaihah hian DC Office, Block Development Office, Animal Husbandry & Veterinary, Agriculture, Horticulture, Commerce & Industries, Health & Family Welfare, Power & Electricity leh Integrated Child Development Services (ICDS) te'n stall hawngin, awlsam zawka mipuite dawr theih turin an inpho chhuak a. Lehkha pawimawh hrang hrang siam thar/siam ṭhat, sawrkar scheme hrang hranga inziah luh, damlo inentir, ran damlo entir leh hri danna pek te kalpui a nih bakah, sawrkar ruahmanna hrang hrang chungchang inzirtirna buatsaih a ni a. He'ng service hrang hrang chhawp chhuahte hi mi 160 velin an chhawr ṭangkai a ni.