Vawiin tlai khan Ministry of Human Resource Development hnuaia School Education and Literacy Department  Secretary Pi Rina Ray chuan SCERT Auditorium, Aizawlah SCERT leh DIET hotute leh hnathawkte kawmna hun a nei a. Pi Rina Ray, IAS chuan thu sawiin Mizoram chhunga zirna hmasawn nan SCERT leh DIET te an pawimawh hle a ni tiin zirna tha tur chuan a ruhrel a that a ngai a ni, a ti a. Zirtirtute hi kawng engkimah zirna lama hmasawn nan an pawimawh hle a, naupangte rilru sukthlek tidanglam theitu lian ber an ni, a ti a. SCERT, DIET leh Education Department te thawh hona tha nei turin a fuih a. Zirlaibu tha tak neih ringawt hi a tawk lova, zirlaiten an hriatthiam a ngai a ni, a ti a. Ram chhunga school hrang hrang hotute leh zirtirtute khawpui atanga an hmalakna leh harsatna hriat zung zung theih hi hmasawnna pakhat chu a ni a, hemi atan hian EDUSAT leh Doordarshan programme pakhat Swayam Prabha chu an tangkai hle a ni, a ti a. An kal zelna turah duhsakna a hlan bawk a ni. 

Programme hi SCERT Jt.Director Pi D. Ramdinthangi chuan kaihruaiin kalkhawmte lawmna thu sawi a. SCERT leh DIET din a nih chhan leh an hnathawh dan hrang hrang presentation a pe nghal a. Pi Rina Ray hi School Education Commissioner & Secretary Pi Esther Lalruatkimi leh Education hnathawk ten an tawiawm a. SCERT leh DIET hnathawkte an tel kim hle a ni.