Vawiin chawhnu khan Mizoram Additional CEO II  Pu Krishna Mohan Uppu, IAS hovin Mizoram Legislative Assembly inthlanpui kan neih taka vote tlate chhiar dan tur ruahmanna te enfiah turin State Election official team ten Lunglei an rawn tlawh.

Ruahman dan chuan vote chhiarna hi Saikuti Hall Ground Floor ah neih tur niin Assembly Constituency pasarih tan Counting Hall hran theuh siam a ni tawh a.  Ni 11/12/2018 (Thawhlehni) zing dar 8 ah Constituency tin ten a rualin vote an chhiar tan dawn a, postal ballot a vote tlate chhiar tan phawt tur niin zing dar 8:30 atangin EVM-a vote tla te Polling Station wise a chhiar tan a ni ang.  Vote chhiar hi Constituency tin tan Round thum (3) a zawhfel tum a ni.

State election team te hian EVM Strong Room leh vote chhiarna tur hmun a ruat Counting Centre te an tlawh kuala, henga  an tlawh kualna hmunah te hian District Election Officer, SP, Addl SP leh Lunglei District chhunga Assembly Constituency pasarih atanga Returning Officer leh Assistant Retuning Officer ten an tawiawm zel a ni. Vote chhiar tura ruahmanna kal mekte chu chipchiar taka enfiahin thurawn te an pe a, inpuahchahna chu tha thawkhat viau a an hriat thu an tarlang a ni.

State Election Official vawiina lo kal te chu Pu Krishna Mohan Uppu, IAS,  Addl CEO-II; Pi Mamu Hage,IAS leh Pu Kumar Abhishek, IAS te an ni.