District Disaster Management Authority, Aizawl buatsaihin vawiin khan I&PR Conference Hall,Treasury Square ah Aizawl District a Sawrkar pisa hrang hrang ten rikrum/chhiatrupna lo thleng thei laka inbuatsaih dan tur ruahmanna siam dan "Workshop on Preparation of Departmental/Office Disaster Management Plan" zirho a ni a, Dr. Lalrokima Chenkual, Head Faculty, Disaster Management Centre, ATI chu resource person atan hman a ni.

Vawiin workshop hi Pu K.Zorammuana, MCS, Branch Officer, DM&R Branch, Aizawl DC Office chuan kaihruaiin Pu Lalhmunsanga Hnamte, CEO, District Disaster Management Authority, Aizawl chuan Department tin ten Disaster Management Plan siam chu Disaster Management Act in a phut avangin an tih ngei ngei a ngai a, siam loh chuan dan bawhchhiatna anih avangin hrem theih an ni a, chuvang chuan ngaihpawimawh a tul a ni a ti a, Office DM Plan tha leh rintlak siam tura a tul ang ti ho a, an thawhho that theih nan theihtawp chhuah tlang turin Department hrang hrang te a ngen bawk.

Vawiin Workshop hi hun hnih a then niin chawhma lamah Chhiatna a lo thlen hma a Department leh Office te blo inpuahchah dan tur te, Chhiatna a lo thlen huna chet lak dan tur te leh Office a thawktute sahimna tur ruahman lawk dan tur te zirho niin chawhnu lamah sawihona hun hman a ni a, he hunah hian zawhna leh chhanna hun hman ni bawkin Pi Irene Lalmuanzovi, District Disaster Management Coordinator, Aizawl in a tlang kawmin hnu a khar a ni.

Vawiin Workshop a tel tur hian Aizawl District a Sawrkar pisa 40 chuang tel tura sawm an ni.