No.4400/2021-2022

Aizawl, the 25th March 2022: Nimin khan School Education Minister Pu Lalchhandama hovin a Office chamber-ah Human Resources Development Board (HRD) meeting neih a ni a. He hunah hian Sawrkar Sikul te'n Uniform in ang neih  a nih theih nan sorkar thuneitu sangzawkah thlen nise.  School țan hmain school zawng zawngah "Aw nang, kan Lal kan Pathian" tih hla  chu a tam thei ang  sa țhin turin school tinte ngen ni se. Hei hi SOP-in school assembly neih a remtih hunah kalpui nise an ti bawk.

Meeting-ah hian Minister chuan   hripui leng karah HRD Board chuan hna a thawk char char reng a ni a ti a. HRD Board hmalaknain Covid-19 avanga hnalak theih loh karah mamawh zual phuhruk nan Chief Minister hnenah zirtirtu rawih lailawkna tur dil anih thu te, 2021-2022 Academic Session-ah High School zirtirtu 157 lak nan Nuai 157 hmuh anih thu leh a hnuah sum indaihlohna phuhruk nan Nuai 53 hmuh leh anih dan te a sawi a. Kum 2022-2023 atan High School zirtirtu 199, Middle School - 67, Primary School - 191 bakah High School Exam Centre atan LDC 36 leh IV-Grade - 27 rawih lai lawkna atan Nuai 380 hmuh anih thu a sawi bawk.

HRD Board Vice Chairman Pu L.Thangmawia chuan Board hnathawh chi hrang hrang a report a. HRD Board hmalaknain Mizo Language Development Board Bill chu Assembly House-ah passed a nih hnuah Governor pawmpuina hmuh a nih thu leh Official Gazette nghah mek anih thu a sawi a ni. Hripui len laiin zirtirtuten online hmanga zirtirna an kalpui theih nan online training neihpui anih thu leh zirtirtuten an hlawkpui thu a sawi a. HRD Board bultumin Online International Workshop-cum-Conference on Mathematics Education chu MZU, University of Guadalajara, Mexico te nen țangtlangin buatsaih a ni a. Mizoram chhunga zirtirtute leh khawvel hmun hrang hrang a miten an chhim țha hle a ni a ti. Zirtirtute leh zirlaite hman țangkai theih tur project chi hrang hrang chu a kalna tur hmunah thehluh anih dan te pawh a sawi bawk.

Board meeting-ah hian Dr Lalzirmawia Chhangte Secretary leh Board member dangte an tel a ni.

Attachment

  • Loading attachment...