No.4401/2021-2022
Aizawl, the 25th March 2022: Planning and Programme Implementation Secretary Pu Lalmalsawma Pachuau hovin vawiin khan Mizorama North East Fest hman dan tur ngaihtuahin sawrkar mi pawimawhte an thukhawm.

India zalenna kum 75-na lo thleng tur lawmna Azadi ka Amrit Mahotsav kal zelah Sawrkar Laipui chuan Hmarchhak State te programme chi hrang hrang buatsaih turin a hriattir a. Mizoram chu Eco-Tourism leh Climate Change lam hawi programme buatsaih turin a ti a. Vawiin meeting-ah hian sawrkar mi pawimawh kalkhawm ten sawihona zau taka an neih hnuah May 2 atanga May 4, 2022 chhung hian Reiekah lawm ni se tiin an rel a. A lawm dan tur chipchiar hi meeting neih leh hunah ngaihtuah a ni ang.

Vawiin meeting-ah hian PCCF, EF&CC Department; Art and Culture, Commerce and Industries, Horticulture, Information and Public Relations, Tourism, Protocol atangin an Department theuh hotulute an kalkhawm a. Confedaration of Indian Industry Mizoram aiawh pawh special invitee angin a tel bawk.