3287/2023-2024

Dated Aizawl, the 9th January, 2024: Vawiin khan Mizoram Iskut Grower's Association (MIGA) hruaitute chuan Chief Minister Pu Lalduhoma chu a pisaah an hmu a, Chief Minister Relief Fund atan cheng singkhat an pe.

Chief Minister hnena Relief Fund an chhunluh chhan ziaka an pekah chuan, "keini kuthnathawka eizawngte tan innghahna tur sawrkar thar kan nei ta hi kan lawm tak meuh a, sawrkar thar lawmna, kan lawmzia lan tir nan kan theih tawk beitham tak hi kan hlan a che", tiin an ziak a ni.

Chief Minister hian lawmthu lo hrilhin an sum pek chu a mamawhtu dik takte hnenah pek a nih tur thu a lo hrilh a ni.