4265/2023-2024

LUNGLEI; the 20th March,2024: Vawiin khan National Highway(NH) 54  kawngpui sial hna thawhin an chenna In a tihchhiat dawn avanga zangnadawmna pek tawh, an chenna in thiahna  tur thupek “Eviction Notice” pawh pek tawh, an chenna In la thiat duh lo leh insenghawi duh lo te a hmunah kala enfiah leh niin, Zobawk North-a Pu Lalramnghaka chuan  Sorkar thupek zawmin a chenna in hi amahin a lo thiat a, Pi K. Lalengliani Dawn khua Vawk Farm pawh lo ṭhiat mekin Deputy Commissioner, Lunglei District aiawh Pu K.Lalhlimpuia, Assistant Settlement Officer leh Executive Magistrate ni bawk hova ṭhiah chhunzawm sak a ni.

NH54 kawngpui sial mekin an chenna in a tihchhiat dawn avanga zangnadawmna an lo pek tawh, mahse  In la thiat loh leh insaseng duh lo te hi vawi tam, thuneitu ten an in te thiata, insaseng turin an lo hriattir  tawh a. Mahse thupek  zawm duh lo an la awm  cheu avangin chenna in engemaw zat ṭhiahsak an lo ni tawh a ni.