4266/2023-2024

Dated Siaha 20th March 2024: Member of Parliament (MP) Lok Sabha, inthlanpui lo awm tur atana inbuatsaihna kal zelah vawiin chawhnu dar 1 khan Siaha District Election Officer, Pu V.L. Hruaizela Khiangte kaihhruaiin Political Party aiawh leh Election Expenditure Monitoring Team- te chuan DC Mini Conference Room-ah thutkhawmna an nei.

Pu V.L. Hruaizela Khiangte chuan thutkhawma lo kalte chunga lawmthu sawina a nei hmasa a, Nodal Officer- te leh Political Party- te in hmelhriattirna hun neih hi Election Commission of India ( ECI) duhdan a nih avangin, vawiin thutkhawm hi neih a ni, a ti. Lok Sabha bikah mipuiten 'vote' an thlak thin avangin MP Election lo awm tur hi a pawimawh em em a, Official- te leh Political Party ten theihtawp chhuah tlan a tul a ti.

Pu V.L. Hruaizela Khiangte chuan Democracy ramah mipuiten an aiawh a roreltu tur an thlang thin a, inthlannaah hian tih tur leh tih loh tur tam tak a awm a, Party miten zawm that a tul hle a ti. Siaha district bikah chuan MADC-a awm avangin inthlanna pawh buatsaih zin bik a ni a, Election Official leh Political Party an hah thin hle tiin thawhhona thatak neih a tul tak zet a ti. Mipui rorelna ram kan nih angin mipuiten an aiawha roreltu an thlan hi a pawimawh hle tiin Pu V.L. Hruaizela chuan India ram chu khawvela democracy ram lianber a nih avangin kumin MP Election pawh hi khawvelin a thlir leh dawn a, Siaha District- a political party leh mipuite hian he inthlanpui lo awm turah hian thil entlawntlak tak hnutchhiah i tum ang u tiin a sawm a ni.

Election Commission of India (ECI) thuchhuah angin kumin MP Election a Candidate-te sum leh pai hman theih zat chu cheng nuai 95 a nih thu tarlangin Pu V.L. Hruaizela Khiangte, chuan ECI thupek zawm hram hram turin party aiawh lokalte chu a chah a. 'List of Valid candidates' neih a nih atangin candidate- te sum senral hi chhiar tan a ni ang a ti. Candidate ten Aizawlah nomination an thehlut vek dawn a, chutih rialin Siaha District- ah ngei pawh 'political campaign' an lo neih leh dawn avangin candidate -te sum senral chu uluk taka lo chhinchhiah a ni dawn a, party mite pawhin lo hriatpui se a duh thu a sawi a ni. Flying Squad Team leh Static Surveillance Team-te chuan Election puan ni atangin an hna an tan char char tawh tih sawiin DEO chuan party lam pawh fimkhur turin a chah a. Election Commission of India (ECI) guidelines- anga political party- te an kal hian 'election process' a tichak thin tih tarlangin PuV.L. Hruaizela Khiangte chuan MP Election tha tak neih a nih theih nan theihtawp chhuahpui turin political party leh Siaha mipuite a sawm nghal bawk.

Pu K.L. Vulmawia, Superintendent of Police, chuan Dan leh thupek kenkawh kawnga thahnem ngai taka thawkho turin Party aiawh lo kalte a sawm a. Siaha chu district ralmuang ber zinga mi a ni a, chutih rualin MP election felfai leh tha tak neih a nih nan theihtawp chhuah a nih tur thu a tarlang a. A bik takin zu leh ruihlo ah chuan hmalak reng a ni a , election - laiin uluk zawka patrolling pawh kalpui a ni dawn a ti a. Nikum MLA inthlanpui aiin kuminah Central Armed Police Force- dawn tlem a ni dawn a , chutih rualin Police Department- in theihtawp a chhuah dawn a ti.

Pu Beihrosia Syuhlo, Nodal Officer, Election Expenditure Monitoring, chuan thil hote ah boruak thalo a awm palh ang tih a hlauhawm a, election official leh political party - inkarah thawhhona tha tak awm se tiin,a bik takin ECI- in a phal chin bak sum hmang lo tur leh candidate -te Expenditure felfai taka lo chhinchhiah thin turin a chah a. Election Expenditure Agent- te chu engtik lai pawh a atul anga koh mai theih a an awm a tul a ni tih sawiin 'Account' bu felfai taka vawng turin, Expenditure Agent- uluk taka ruat turin party aiawhte a ngen bawk.

Pu M. Misael, Nodal Officer, Model Code of Conduct (MCC) chuan Election puan ni atang Siaha leh Palak ah Flying Squad Team (FST) leh Static Surveillance Team (SST) dah fel tawh a ni, a ti a. Campaign veivahnaah mi pakhatin cheng 50,000 bak ken theih a ni lo a ti a, mimal zin veivak te pawh cheng nuai 10 aia tam keng lo turin a chah bawk. Banner leh poster bikah vantlang hmunah engmah tar phal a ni lo tiin, mimal rama tar turte pawhin a neitute phalna la hmasa thin turin party-te chu a chah a ni.

Pu Abraham Beirazi Khithie, Nodal Officer, Manpower Management, chuan DEO lam atanga 'Official instruction' pek chhuah thin chu Party office- a program an neihna a inhrilh chhawng leh puangzar thin turin party aiawh lo kalte a chah a. A bik takin inthlanna atana 'training' an neih hunah theihtawp chhuah thin turin a sawm a. Expenditure Agent -thlak chhen a awm thin a, heihian harsatna tamtak a thlen thin tiin, rintlak tak pakhat lo ruat turin party aiawh kalte chu a ngen bawk.

Pu V.L. Hruaizela Khiangte, District Election Officer leh Bawrhsap ni bawk chuan lawmthu sawina neiin thutkhawm hi a khar a ni.