No.6795/2020-2021

Aizawl, the 7th December 2020 :  Vawiin khan Sawrkar chuan AMC hna chelh mek chu AMC enkawltu Administrator atan ruat anih  thu Sawrkar hriattirna hmangin a chhuah. Hemi chungchanga Sawrkar hriattirna Dr. C. Vanlalramsanga, Commissioner & Secretary, UD & PA Department in a hming a ziah hnan sign chu a hnuai ami ang hi a ni.

Aizawl Municipal Corporation a Board of Councillor dinglai mek chu hun biktuk chin hmang zovin 10 th December 2020 atang chuan a lo tawp dawn ta a. Councillors thar thlang turin inthlan buatsaih a tul ta a ni.

Amaherawhchu, State Election Commission-in State Sawrkar a ngaihdan a thehluh vide letter number B. 14015/1/2020 SEC/AMC dated 7th  December 2020 angin kan hun tawn mek COVID -19 pandemic Aizawl Municipal Area a la tuam zel avangin, mipui him zawk nan inthlan neih chi niah a la ngai lova.

Hei vang hian, Section 13 (6) of Chapter 3 of The Mizoram Municipalities Act, 2007-in a tarlan angin Municipality-ah engvang pawha a hun taka inthlan theih loh a nih chuan Municipality chu thiah tur a ni ang a, State Sawrkar in Administrator ruatin Municipal Authorities mawhphurhna leh thuneihna zawng zawng, inthlan theih a nih hma chuan a keng kawh ang tih a ni. 

Chuvangin, Competent Authority chuan Pu K.Laldingliana, Municipal Commissioner tang mek lai chu Administrator turin a ruat a. Ni 10 December, 2020 atangin inthlan fel a nih hun emaw order dang chhuah a nih leh hma chu Aizawl Municipal Corporation Administrator hna hi a chelh ang.