2556/2023-2024

Dated Serchhip, the 31st October, 2023: Tunlai hian Serchhip leh Keitum khaw inkar, Bawngchawm leh Ralkiaua kham leh a chhehvel ah Mizoram State Animal – Saza (Serow) chuan awmhmun a khuar mek a. Hemi chungchangah hian mipui te hnena ngenna thuchhuah siamin DFO, Thenzawl Forest Division chuan Saza hi mi tinin humhalh tur leh kutthlak/ tina lo turin a ngen a ni.

Saza hi Wildlife (Protection) Act -1972 in humhalhna sang ber a pek Schedule-I animal a ni a. Dan kalha Saza kap emaw an awm chuan kum 3 atanga kum 7 thleng lung in tan leh Rs. 10,000/- thleng chawi tir theih an ni. Dan lova he Saza kut lo thlak an awm chuan dan in a sawi angin an chungah hremna lek a ni ang, tiin DFO chuan mipuite a hriattir.