1873/2025-2026

Lawngtlai, 13th October 2025: Tunlai hian Thingtam avangin Lawngtlai District huamchhungah Sazu a puang nasa hle mai a, hemi avang hian Lawngtlai Bawrhsap chuan a hnuaia mi ang hian thuchhuah a siam.

ORDER

No.J.11013/1/2025- DC (LTI):- Tunlai hian Thingtam avangin Lawngtlai District huamchhungah Sazu a puang nasa hle mai a, Agriculture Department, Lawngtlai te chuan theihtawp chhuahin Sazu hrai runpui (Mass Poisoning) an neih bakah Sazu tur te semin an buaipui a ni. Chuvangin, Sazu hrai hi mihring tan a hlauhawm avangin mipuite kan lo him zawk nan leh kan lo hrisel zawk nan he thupek hi chhuah tula hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Bharatiya Nagarik Suraksha Sanhita, 2023 (BNSS), Section 163- in thuneihna min pek angin a hnuaia tarlan ang hian thupek ka chhuah e.

1. Mipuite kan himtlan zawkna turin he thuchhuah ni a tangin Lawngtlai khawpui chhungah Sazu/Chepa leh Sava lam chi reng reng, a rep emaw a sa emaw, a thi leh a dam pawh ni se zawrh khawp a ni.

2. District dang atang a Sazu/Chepa leh Sava rep emaw a sa emaw, Lawngtlai District chhungah thawn luh leh zawrh khap tlat a ni.

He thupek zawm lo te chu Section 223, Bharatiya Nyaya Sanhita, 2023 (BNS) hmanga hrem an ni ang.

He thupek hian Lawngtlai District pum a huam anga,thu leh awm hma chu tih chhuah a nih atanga thla hnih(2)chhung a huam ang.

He thupek hi vawiin Date 09.10.2025 hian District Magistrate Seal a nem nghetin ka hming ka ziah hnan e.

Sd/-
DONNY LALRUATSANGA
District Magistrate
Lawngtlai District, Lawngtlai