Vawiin khan SBI Mamit Branch chuan District Hospital Mamit-a hman turin Stretcher trolley pali 4 leh wheel chair pali an pe a, he mi pual inkhawm tawi Pu Lalrosanga Ralte Assistant, SBI Mamit Branch chuan kaihruaiin Pi Lalbiaksangi District Bawrhsap chuan he hun hi a hmanpui, District Bawrhsap chuan State Bank of India Mamit Branch in Mamit Hospital tanpuina atana hetiang tih nachang an hria chu lawmawm a tih thu sawiin damlote tana hmanraw tangkai tak a nih ngei a beisei thu a sawi.

Pi Lalmalsawmi Varte Manager SBI, Mamit Branch pawhin thusawiin , SBI in hlawkna a hmuh atanga za 2% hi vantlang hamthat nan an pe let ve thin tih a sawi a, chumi atang chuan vawiin hun pawh hmang thei an ni a ti, SBI hian CSR thupui, SBI dinna ah chuan mi harsa leh chanchhe zawk puih hi kan tih tur a ni a, a bik takin zirna lamte, khawtlang hriselna lamte, hmeichhe dinhmun chawisanna te leh kuthnathawktute hamthatnan te nasa takin hma a la thin a ti a, he scheme hnuaiah hian Mamit District a School hrang hrangah Water Filter thahnem tak leh Celling Fan engemaw zat sem a ni tawh tih Manager hian a sawi bawk.

Mamit District Hospital DMS Dr Laliannghaka Pachuau chuan an hospital-in hetiang hmanrua an dawng hi lawmthu a sawi a, damlo ward leh X-ray tihna hmun chu a inkar a hlat deuh avanga damlo zawn kual ngai thin te tana tangkai taka hman a nih ngei a beisei thu a sawi.