No.672/2020-2021

Vawiin khan Mizoram a State Bank of India-a thawktu te chuan COVID-19 hrileng do letna kawnga Mizoram sawrkarin a tul a pianga a hman turin Chief Minister’s Relief Fund-ah Rs. 7,00,000 (Nuai Sarih) an chhunglut.

He sum an pek hi SBI a thawktu ten bituk awm lova an phalzat an thawhkhawm a ni a, State pawna SBI a thawk Mizo te pawhin an thawh ve bawk a ni. Mizoram pumah SBI-a thawk hi mi 300 bawr vel an awm a ni.

Ram puma SBI-a thawktu te hian PM Cares Fund-ah leh SBI Foundation, COVID-19 hrileng dona tura siamah hian sum engemaw zat an thawhkhawm bawk a ni.