Vawiin chawhnu dar 1:30 khan State Bank of India, Serchhip Branch chuan District Hospital Serchhipa hman tur Wheel Chair leh Trolley hlanna hun CMO Conference Hall, Serchhipah an hmang a, District Bawrhsap Dr. Lalrozama, IAS chuan khuallian niin a hmanpui.

Khuallian Dr. Lalrozama chuan State Bank of India in hetianga a mamawhte hman atana thilpek an hlan thin hi lawmawm a tih thu a sawi a, Serchhip branch mai pawh ni lo, an Office hmunpuia thawktute chungah pawh lawmthu a sawi bawk a ni. Hun lo kal leh zel turah pawh mipui vangtlang tana hamthatna awm thei tur anih chuan ani pawh theihtawpa tanpui a inhuam thu a sawi bawk. Hetiang duhsakna thilpek hi dimdawi taka enkawl tura thawktute chahin, kan za vaiin a neitu vek kan ni a, mamawh huna hman tur a awm reng theih nan ka ta a ni tih rilru pu chunga enkawl turin a chah bawk a. Khuallian hian SBI Manager aiawhin heng thilpek te hi Dr. Z.D. Lalmuanawma, Medical Superintendent, Serchhip District Hospital hnenah a hlan nghal a ni.

He hun hi Dr. Laldawngliana, CMO Serchhip District in a kaihruai a, Pu Rajen Singh, Branch Manager, SBI Serchhip Branch pawhin thu sawiin, Corporate Social Responsibility atang hian Serchhip khawchhunga hmun hran hranah thilpek hi an lo sem tawh thin thu sawiin, vawiin ah hian Wheel Chair 5 leh Stretcher Trolley 5 Serchhip Damdawiina hman atan an hlan leh thei hi lawmawm a tih thu a sawi bawk. 

 

Attachment

  • Loading attachment...