SCERT, Mizoram buatsaihin “Training of Nodal Teachers on Drug Demand Reduction” chu High School zirtirtute tan Ni 27th -28th August, 2019 khan SCERT Auditorium-ah buatsaih a ni. He programme hi National Action Plan on Drug Demand Reduction, Ministry of Social Justice and Empowerment leh Ministry of Human Resource Development-in hma a lakna hnuai a mi a ni.

Training Programme kharna hi, Pi Lalduhawmi Thomte, Deputy Director, SCERT in a kaihruai a, Training Report te ngaihthlak a nih hnu-ah, SCERT Director Pi Laldawngliani Chawngthu hnen a tangin fuihna leh Certificate te dawn a ni. He huna thusawitu Director SCERT Pi Laldawngliani Chawngthu chuan he programme lo chhuah chhoh dan te leh pawimawhna te sawiin, ruihhlo hian thlen lohna hmun tak tak a neih loh thu leh a ram pum huam ang pawh a Sawrkar anga ngaih pawi mawh a nih thute, ruihhlo do tak tak tur chuan zirtirtuten an zirlaite ruihhlo laka an in ven theihna tur an zirtir a tul thute, zirtirtu training a kalkhawmte pawimawh zia leh hlut zia te sawiin ,thahnem ngai taka an zirlaite tan a hma la tur leh,training chhunga an thil zirte chu hmang tang kai turin a fuih bawk.

Trainig-ah hian thupui pawimawh tak tak tleirawl te leh thian te nawr na, rilru hriselna leh ruihhlo hman sualna Life Skills hmanga ruihhlo laka invenna, ruihhlo laka invenna bakah ruihhlo tite enkawlna chungchang, ruihhlo ngawl veina intan dan te an zir ho dawn a ni.

He hunah hian Resource Person turin SCERT Officers te bakah hetiang lama tawn hriat nei Doctor thiam tak tak, Dr. Chawnglungmuana, CEO Shalom, Dr. Ruth Lalmuanpuii, Consultant, Deptt. of Psychiatry, Civil Hospital leh Dr. Samuel Lalzarlawma, Superintendent LifCode Boys Home Home awm te hman an ni a, training ah hian zirtirtu 45 an tel a ni.