1855/2022-2023
Aizawl 8th September 2022: SCERT chuan International Literacy Day (ILD) denchhenin Zirlai naupangte thuziak dahkhawmna bu Take Flight: A Collection of Children’s Poems tlangzarhna leh 100 Days Reading Campaign 2022 kick off ceremony chu ni 8th September, 2022 1:00 PM khan SCERT Auditorium ah neih a ni. He hun ah hian Pu L. Thangmawia, MLA, Vice Chairman, Humarn Resource Development Board chu Khuallian niin, Dr. Lalzirmawia Chhangte, IAS, Secretary, School Education Department chu Khualzahawm a ni thung a ni.

Chief Guest, Pu L. Thangmawia chuan Take Flight: A Collection of Children’s Poems lehkhabu chu a tlangzarh a, tunlai thalaite zinga thu leh hla tuipui tak tak an awm tih a hriatin lawmawm a tih thu a sawi a, hmanlai angin naupang pawnto te a rem tawh lo a. Nu leh paten mahni fate duh ang tawkin an zirlaite pawh kan enpui that hman tawh lohna khawvelah hian SCERT in an talent haichhuahna hun tha tak a buatsaih thin hi lawmawm a tih thu a sawi.

Khualzahawm Dr. Lalzirmawia Chhangte pawhin 100 Days Reading Campaign bultanna tur chu a hawng a. Literature a peng pawimawh tak poetry, suangtuahna khawvel a min chentir thei tu ni bawk hmanga intihsiak bautsaih a ni thin hi lawmawm a, kan sum te hi lehkhabu leinana hman uar deuh deuh a pawimawh a tih thu a sawi bawk.

Kum 2021 a SCERT buatsaih Poetry Festival a lawman pakhatna dawngtu Ronald Kapsanga, St. Paul’s Higher Secondary School zirlai chuan a poem ziah Destiny theme hmang a phuah Strength tih chhiarchhuahna hun a hmang bawk.

Zirlai naupangte poem ziah endiktu tute zinga mi Prof. Margaret L. Pachuau chuan an poem ziah chungchang a hmuh dante a sawi a. Kum 10 chhung lai mai he Poetry Festival hi SCERT in kumtin a lo huaihawt tawh leh chumi a endiktu zinga a tel thin chu lawmawm a tih thu a sawi a. Hun rei tak saptawng hman hi khawtlangah inthlahrunawm rum rum anga a lan thin laiin, saptawnga poem inziah siak SCERT in a huaihawt thin hi chutiang boruak tihrehna hmanraw zinga tangkai tak pakhat ni a a hriat thu leh poem chu hringnun ti nuam a, ti muanawm tu a nih thu a sawi bawk.

He programme hi Pi Laldawngliani Chawngthu, Director, SCERT chuan a kaihruai a. Kalkhawmte lawmna thu leh keynote address a sawi. He programme an buatsaih chhante sawiin naupangin talent hrang hrang an neihte phawrhchhuahsak tumna a nih thu te a sawi a ni.

Dr. Lalbiakdiki Chawngthu chuan he hun a tlangzarh tur - Take Flight: A Collection of Children’s Poems, SCERT buatsaihchu khuhhawnna hun a hmang a. He lehkhabu buatsaih a ni hi SCERT chu fakawm a tih thu a sawi a, Poetry Festival kumtina Covid-19 pandemic lai pawh a a tihdan kawng dang zawng zelin chawl lovin online ten an kalpui zel thei chu lawmawm a tih thu a sawi. Theme hrang hrang tha tak tak kumtin an chhawpchhuak thin chu tha a tih thu a sawi bawk. A lehkhabu a poem hrang hrang awmte chu hmun leh hmun a (on the spot) a ziah a ni hi naupangte talent neih thatzia a tilang zual hle a ni a ti.

He campaign hmang hian SCERT chuan 8th September, 2022 atanga 16th December, 2022 thleng naupangte thil chhiar uar tur atan buatsaih a tum mai bakah nu leh pa te leh YMA te theng pawhin thu chhiar kan uar lehzual theih nan hmalak a tum a ni. Chung atan chuan Awareness Campaign leh Reading Festival –te pawh buatsaih leh tura ruahman a ni. Programme khar nan Pi Zohmingliani, Joint Director, SCERT chuan lawmthu a sawi.