No.1240/2020-2020

SCERT buatsaih Online-Edu-Challenge 2020, Week 5 intihsiak chu zawh a ni leh ta a, Primary School zirlaite intihsiakna chu Arpuisente thawnthu tifiah thei tur lem inziahsiak a ni a. Middle school zirlaite Mauruangi thawnthu lem ziakin an intihsiak thung. Zirtirtute tan ‘Chhiarkawp Hlimawm’ tih hmanga video clip insiamsiak a ni bawk. Mathematics zirtirtute tan bika siam niin, zirlaiten chhiarkawp tui leh nuam ti taka an zir theih nana zirtir dan intihsiakna a ni.

Week 5 result chu hetiang hi a ni-
Primary Section
1 na - Amos K. Zaithanpuia, Class II, Holy Mission School, Bungkawn
2 na - Mary Lalchawimawii, Class III, Neuhof English Medium School, Chanmari
3 na - Lalnunmawii Jongte, Class III, Arr-Ells School, Chaltlang

Middle Section
1 na - Diana J. Thatiphangiarili, Class VI, Don Bosco H/S, Siaha
2 na - Christina Rinhlupuii, Class V, Little Diamond Academy, Seventh-Day Tlang
3 na - Grace Lalrinmawii, Class VI, Home Missions School, Dawrpui

Teacher Section
Winner - Lalrammawia, Govt. P/S- III, Ratu, Darlawn Sub-Division
Secondary level lam tana buatsaih Week 6 intihsiak hi a kal mek a, zirlaiten an thiante hnena Lockdown laia an hun hman dan an hrilhna lehkhathawn ziah tur a ni. Zirtirtute tan Algebra zirtirna atana lesson plan siam tur a ni bawk. Mizoram chhunga zirlaite leh zirtirtute a tarn thei ang ber rawn tel zel turin kan insawm a ni. He Online-Edu-Challenge 2020-a lawmmante hi SCERT Ruby Jubilee lawmna closing function, kum tawp lama neih turah hlan an ni ang.