Vawiin khan Supreme Court in March Ni 22, 2018-a order a chhuah angin State Level Shelter Monitoring Committee (SLSMC) chuan Deendayal Antyodaya Yojana-National Urban Livelihoods Mission (DAY-NULM) hnuaia peng pakhat Scheme of Shelter for Urban Homeless (SUH) kalpui a nih dan endikna an nei a. Zemabawk Shelter, TNT Pangpar Huan, Zuangtui leh Special Blind School, Durtlang endik niin - State Level Shelter Monitoring Committee (SLSMC) memberte chu-Chairman Pu R.L. Rinawma (Principal Adviser to Chief Minister leh UD&PA Secretary hlui ni bawk), Pi T. Lalthangpuii (MHIP General Secretary), Dr. C. Vanlalramsanga (UD&PA Secretary) an ni a. Supreme Court hnenah Mizorama Scheme of Shelter for Urban Homeless (SUH) sawrkarin a kalpui dan report quarter tin an pe thin dawn a ni. Scheme of Shelter for Urban Homeless (SUH) hi UD&PA Department kenkawh niin UD&PA Joint Director Pu Zarzoenga leh UD&PA hnathawk ten an tawiawm a ni.

DAY-NULM hnuaia tanpuina an hmuh dan chu a hnuaia tarlan ang hi a ni:

Tun dinhmunah hian Mizoram pumah Scheme of Shelter for Urban Homeless (SUH) khaw 15-ah an kalpui mek a, chungte chu-Aizawl, Saitual, Champhai, Khawzawl, Kolasib, Kawnpui, Vairengte, Thenzawl,Lunglei, Hnahthial, Tlabung, Mamit, Lawngtlai leh Siaha an ni.

Tui intur thianghlim, inthiarna, kang thelhna tur hmanrua, medical check-up, chaw eitur tha, staff-te tan awmna tur tha a awm nge awmlo tih te, register vawn that tur te leh thil pawimawh dang hrang hrang hmangin endik a ni a. Zemabawk Shelter-ah hian khum sawm (10) awmin Mizoram Cancer Care Foundation ten an enkawl a. Damlo doctor nghakte tana hahchawlhna hmun a ni. TNT Pangpar Huan, Zuangtui-ah hian mi 421 enkawl mek an ni bawk.