Vawiin khan Deputy Speaker Pu R.Lalrinawma chuan Muanna Veng Community Hall, Zemabawk hawngin, khuallian a ni. Deputy Speaker chuan vawiin hun hmanna hawngtu a nih avangin lawmthu a sawi a. Khawtlang hruaitute hmalakna leh tha hnem ngaihna azarah Community Hall hi neih a ni, a ti a. MLA Fund hman tangkaina chu a dawngtu mipuiah a innghat a ni, a ti a. Veng entawntlak leh mamawh intawm tlan theih Hall an ngaihtuah hi fakawm a ti a. Fund tam tak pawh hmu lemlo vengin Community Hall tha tak an din thei chu veng duhsak tlak leh thawhpui nuam veng anni, tiin a sawi a. Khawtlang thawhrimna leh inpekna azarah vawiin hun neih theih chauh a ni, a ti a. Engkimah lawm thiama, hmasawnna pawh beisei zel turin mipui kal khawmte a chah a ni.

Khuallian hian 21^st Inter-Branch YMA Volleyball Champion Players te lawmpuina thilpek  leh certificate a hlan nghal bawk a ni.

Muanna Veng Community Hall, Zemabawk hi kum 2015 khan sak tan niin, zawi zawia fund hmuh a ni a, August, 2018-ah zawh fel a ni. A vaia MLA Fund hmuh zat hi Cheng Nuai 18 niin, hall len zawng hi feet 38 a sei, feet 24 a zau a ni.

Pu Sakhawliana, Local Council Chairman chuan a kaihruaiin, TNT Pipe Band te leh NGO te an tel a ni.