Commissioner & Secretary, School Education Department Pu Lal Nghinglova chuan a hnuai mi ang hian thuchhuah a siam.
‘Chanchinbu thenkhatah Mamit leh Hortoki a school-te harsatna alo lang a, an dinhmun chu hetiang hi a ni.
MAMIT
a) Higher Secondary School (Education subject) atan mi pakhat an ngiat thuah, he Higher Secondary School-ah hian Class XI leh XII chiah an awm a, zirtirtu pakhat hian nikhatah period khat ve ve in hneh takin a enkawl thei a ni.
b) Mamit Govt. High School a post sanction awm zat hi 8 a ni a. Tuna thawk mek hi Hindi teacher 2 nen 8 anni a, Zirlai 117 awmin heng school a thawktute hian harsatna an neih thu an hre lo.
HORTOKI
a) Chuaia Govt. M/S atanga Zothankhumi Aizawl-a lakchhoh anih hian a post nen a lak chhoh a ni lo. Ani Aizawl a a chhoh hnu hian zirtirtu SSA teacher 3 leh Hindi teacher 2 nen 8 an la awm a, zirlai 132 an ni. Zirlai leh zirtirtute dinhmun enin harsatna nei tura ngaih a ni ni lo. Headmaster an nei lova, hetiang dinhmun a ding mek hi school tarn tak an awm a. Headmaster post 68 hnawh khah hunah ngaihtuah zingah a tel theih beisei a ni.
b) Hortoki P/S-I ah hian zirtirtu 3 leh naupang 127 an awm mek a. PTR ang chuan harsa lutuk tura ngaih an ni lo. Headmaster an nei lova, hei hi tuna promotion tura hmalak mek zawhah an ngaihtuah theih beisei a ni. Chutiang bawkin Hortoki P/S-II ah pawh Headmaster tiamin zirtirtu 3 leh zirlai 123 an awm a, zirtirtu neih belh huna pek theih beisei a ni.’
