535/2026-2027

Lunglei, 2026 Ṭomir thla ni 14: Vawiin khan Mizoram sawrkara School Education Minister Dr Vanlalthlana hovin School Education Conference Hall, Lungleiah zirlaite'n Minister hmu a, an duh zawng an zawh a, an sawipui theihna, "Meet Your Minister" hun buatsaih a ni a. Lunglei khawpui chhunga zirna in 14 aṭangin zirtirtute leh zirlaite an tel.

Education Minister Dr Vanlalthlana chuan "Meet Your Minister" hun a ṭum 4-na atana buatsaih theih a ni leh ta chu lawmawm a tih thu sawiin, zirlaite zinga hun hman chu nuam a tih thu a sawi a. Eng anga lehkhathiam leh nihna sang nei pawh mi dang tana malsawmna an nih loh chuan eng mah an ni lo va, mi dangte tana luang chhuak tam apiangin ngaih hlut an hlawh tih sawiin, khawtlang tan leh mi dangte tana luang chhuak ṭhin turin zirlaite a fuih a. An laka hmuh let leh tur beisei kan neih lohnate chunga kan chet danin mihring nihna dik tak a tar lang tih sawiin, zirlaite chu mite chunga ṭawngka leh chet ziaa ṭhat chhuah tlat turin a fuih a. Zirlaite chuan an hma hunah duhthlanna siamna tur tam tak an la hmachhawn dawn tih sawiin, duhthlanna dik siam thei turin tawn hriat nei tawhte rawn a, inchhiar zau va, inzir peih turin a fuih.

Lungleia "Meet Your Minister" hun buatsaih hi District Education Officer Pu Micky R. Lalenkawla'n a kaihruai a. Baptist Church of Mizoram (BCM) Education Department Director Rev. RC Lalthanzama'n hunserh leh zirlaite tana ṭawngṭaisakna hun a hmang a. Lunglei District chhung sikul aṭanga High School Leaving Certificate (HSLC), All India Secondary School Examination (AISSE), Higher Secondary School Leaving Certificate (HSSLC) leh All India Senior School Certificate Examination (AISSCE)-a ti ṭha zual Top 3 zirlaite lawmpuina hlan a ni bawk.

Hemi hnu hian zirlaite chuan Minister Dr Vanlalthlana chu Mizoram sawrkar hma lakna leh zirna kaihhnawiha an hriat duh hrang hrangte zawtin, an zawhnate chu Minister-in a chhan bakah, sawi hona hun hlawkthlak tak hman a ni a. Minister hian lehkhabu pahnih – "Zirna Lamtluang: Road Map to Higher Education" leh "Nung Ngam Tura Huaisenna" chu sikul telte hnenah a hlan nghal bawk. 

Lunglei District Topper lawmpuina hlante chu:

I. HSLC 2026:

1.LH Laltleipuii, d/o LH Lalbiakenga (93.20%), Holy Faith School, Lunglei

2.R. Hmingmuanpuia, s/o R. Laltlankima (91.80%), Sacred Heart School, Lunglei

3.Ramdinthari, d/o Lalzuiliana (91.00%), Lalkhama Memorial School, Farm Veng Lunglei

II. HSSLC 2026:

ARTS

1.HC Malsawmtluanga, s/o HC Lalsangvunga (90.00%), Baptist HSS, Serkawn

2.T. Lalhmingṭhazuala, s/o T. Lalrinchhana (87.40%), Baptist HSS, Serkawn

3.Heidi Remruatfeli Chhangte, d/o Lalrinliana Chhangte (L) (84.00%), Baptist HSS, Serkawn

SCIENCE

1.K. Zomuanpuia, s/o K. Zohmangaiha (90.40%), Baptist HSS, Serkawn

2.David Ramnunmawia, s/o R. Lalramngheta (79.60%), Baptist HSS, Serkawn

3.Lalsangzeli, d/o Lalremsiama (79.00%), Baptist HSS, Serkawn

COMMERCE

1.PC Lallawmzuali, d/o PC Lalhmingmawia (74.20%), Govt HSS, Lunglei

2.Lalrindiki Sailo, d/o Lalnghakliana Sailo (73.60%), Govt HSS, Lunglei

3.Zachary Alex Swer, s/o Alvin Jeremy Swer (73.00%), Baptist HSS, Serkawn

III. AISSE (CBSE Class-X):

1.B Archina Chakma, d/o Buddha Dhan Chakma (92.20%), PM Shri JNV, Pukpui, Lunglei

2.Zosangpuia Ralte, s/o R. Zoramsanga (89.17%), Kendriya Vidyalaya, Lunglei

3.Vanlaltluanga, s/o V. Lalduhawma (89.00%), Kendriya Vidyalaya, Lunglei

IV. AISSCE (CBSE Class-XII):

HUMANITIES

1.Vincy Laldinmawia Renthlei, s/o Lalrindika Renthlei (87.60%), PM Shri Eklavya Model Residential School, Lunglei

2.Lalthlamuanpuii, d/o Lallianlura (87.00%), PM Shri Eklavya Model Residential School, Lunglei

3.Lalpeksanga, s/o R. Zawlbiakthanga (86.40%), PM Shri Eklavya Model Residential School, Lunglei

SCIENCE

1.Sisir Chakma, s/o Dhana Chakma (77.00%), PM Shri JNV, Pukpui, Lunglei

2.Rajorshi Dewan, s/o Binoy Dewan (76.40%), PM Shri JNV, Pukpui, Lunglei

3.Bijoy Chakma, s/o Tutro Singh Chakma (76.00%), PM Shri JNV, Pukpui, Lunglei