537/2026-2027 

Dated Aizawl, the 14th May, 2026 : Sports and Youth Services Minister Pu Lalnghinglova Hmar chuan vawiin khan Directorate of Sports and Youth Services Conference Hall, MINECO-ah kumin chhunga national level-a sports competition hrang hranga medal hlawh chhuakte lawmpuina hun a hmang.

Minister Pu Lalnghinglova Hmar chuan infiammite chu Olympic Games khel pha thei tura tan la turin a fuih a, ‘Empowering Mizoram Sports’ programme chu Mizoten Olympic Games a kan tel ve thuai theih nan sport thlan bik pariatah kalpui mek a nih thu a sawi bawk. Minister chuan hockey chu Mizoten Olympic medal kan lak theihna hmasa ber tur niin a ngaih thu a sawi a, hmeichhe hockey zirna atan Thenzawlah seat 40 a awm mai bakah, mipa tan hockey zirna tur ngaihtuah mek anih thu a sawi bawk. Infiammite chu an sport discipline theuhah thangchhuah thei tur khawpa tan la turin a chah a ni.

Lawmman latute chu :

● Junior/Master/Divyang Mens and Ladies Body Building and Physique Sports National Championship 2026 -
Vanlalruatfela, Bronze Medal, (Junior Mister below 75 kg)

● 22nd National Mountain Bike Championship 2026 -
Lalrinsanga, Cross Country Olympic (XCO) Men’s Junior

● Senior National Classic Powerlifting Championship, 2026 -

1. Abraham Lalthakima, below 93kg (Squat - Gold, Bench Press - Gold, Lifting - Bronze)

2. Jeremy Lallawmzuala, below 105kg (Squat - Gold, Bench Press - Bronze, Lifting - Bronze)

3. Robert Lalrinawma, below 66kg (Squat - Gold, Lifting - Bronze)

4. Lalthangmawia, below 74kg (Squat - Gold)

5. RK Lalnunmawia, below 59kg (Squat - Bronze)

● Khelo India Tribal Games 2026-

1. Women’s Hockey Team - Silver

2. Wrestling - Elizabeth Rohlupuii, freestyle 68kg (Silver); Lalvenhimi, freestyle 53kg (Bronze); Lalhmangaihsangi, freestyle 76kg (Bronze)

He hun hi Pu H. Lalhmingthanga, SYS Director chuan a kaihruai a, Mizoram State Sports Council Secretary Pu Henry Lalrawnkima chuan report tawi a pe a ni.