Pu H.Rohluna Minister, School Education chuan vawiin khan Govt. Model English Primary School, Chanmari ten Annual Function an neih chu a hmanpui.

Pu H. Rohluna chuan Sawrkar Sikul a Enrolment tlak hniam chhan zirchian a tul thu a sawi a.  Sikul Naupang tam zawk nei thei tura tan lak leh Sikul dangte entawn tlak ni tura thawh hona tha a pawimawi zia thu sawiin Minister chuan Model School District tina dahte hi NEDP  Policy hmanga cheibawl leh thuamthat mek a ni a, Model School bik hi Uniform hran bik nei tura ruahmanna siam mek a ni a ti a, Sawrkarin Recruitment Rules hmangin zirtirtu Qualified a la a, Zirtirtu leh NU leh Paten Naupang mahni tawng leh tawngdang hmang thiam tak an nih theih nan tan tlan a pawimawh thu a sawi bawk a ni.

He School hi 1956 a din niin Diamond Jubilee kum an hmang mek a. Kum 2016 - 2017 Session atangin Mizoram Sawrkarin Govt. Model English Medium School sawm a siam a, he School hi District Capital tina School pakhat (1) theuh leh Aizawl khawpui chhunga School pali (4) a siamte zinga mi a ni. Hmun hrang hrang atangin zirtirtu tha nia hriatte Sorkarin lakhawmin zirtirtu  pawh indaih zawk turin he school ah hian dah an ni.

Text Book tharah zirna a inthlak danglam a, he text book thar mila zirna kalpuina tura Pilot Project atan he school hi buatsaih a ni. A bik taka Monitoring pawh kalpui turin Sawrkarin ruahmanna a siam a. School Education Director leh SCERT lam atangin Academic Specialist ten vawihnih tal an zirna kalpui dan leh naupangte hmasawn dan enpuiin an vil reng a ni. Pilot Project a nih angin zirna  chungchanga hmasawn dan leh harsatna awmte eng ang nge tiin review te neiin hmalak leh chhawp dan tur en chhoh zui zel an ni dawn a ni.

 School Education Minister hi Pu Lalhmachhuana State Project Director (SSA) leh midang ten an tawiawm a ni.