Tawrhbawm Chanchinbu ni 12.01.2017 a chhuakah "Sawrkarin enfiah sela a that a rinawm " tih thu Editorial a lang Press Clipping a sorkara thehluh chu hetiang hian PWD chuan a sawifiah. 

Mizoram PWD hian ram hmasawnna turin, hmasawnna ruhrel pawimawh tak tak a thawk mek a. Department lian tak anih avangin a hma pawh a zau hLe a ni. Kawng hrang hrangin hmasawnna hna a thawk a, Roads lamah te, Highway lamte, Bridge te, Building sak leh repair etc., ah te hma nasa takin a la mek a, sawrkar atanga hnathawhna tur Fund hmuh ang angte pawh mumal taka Action Plan te siamin thawh mek zel a ni. 

Ram hmasawnna tura PWD in theihtawp a chhuah mek laiin, a thawktu Staff lamah indaihlohna a nasa hle mai a. Tun dinhmunah hian, hetiang hi Post hnawhkhah loh kan neih dan a ni.

1.            Assistant Engineer(A.E/A.A) -       26 (Sanctioned Post awmzat - 150)

2.          Junior Engineer (J.E)             -       122 (Sanctioned Post awmzat - 364}

3.            Sectional Assistant (S.A)     -       72 (Sanctioned Post awmzat - 200) 

A.E, J.E leh S.A te hi site-a hna viltu leh ataka thawktu te an ni a. Indaihlohna avangin hmun tam tak ah J.E - 1 in hna 2/3 an vil ngaite a awm a. Hei hian a thawktute lamah duh angin hna vil kawngah harsatna a siam a. Heng post ruak awmte hi Sawrkar ah hnawhkhah tura thlen thin a niin hmalak mek pawh a ni a. Post te hi hnawhkhah anih chuan tun aia tha leh mumal zawkin PWD-in hna a thawh theih ngei a beiseiawm a ni.