Vawiin chawhnu khan School Education Directorate Conference Hall-ah School Education Department hnuaia SSA leh RMSA District Project Coordinator (DPC) Meeting neih a ni a. School Education Minister Pu H. Rohluna’n he hun hi a hmanpui a, SSA leh RMSA Annual Work Plan an Budget 2018-2019 siam dan tur an sawiho.

He meeting School Education Secretary Pi Esther Lal Ruatkimi kaihhruaiah hian Pu H. Rohluna Minister chuan kum thar 2018-2019 atana SSA leh RMSA plan siam tura fimkhur tak leh uluk taka kalpui a tul thu a sawi a. District tina Officer kalkhawm te chu an hnaa an inpeknaah lawmthu hrilhin Krismas leh kum thar hlim taka hmang turin duhsakna a hlan nghal bawk a ni.

Pi Esther Lal Ruatkimi chuan SSA leh RMSA Plan siam turah Quality Education tak tak thleng pha tur leh naupang ngai pawimawh turin District tinte a chah bawk.

Meeting-ah hian SSA leh RMSA, State Project Office-a Officer- te, District tin a DPC leh Dy. DPC te an tel a ni.