3239/2023-2024

Vawiin khan School Education Minister Dr Vanlalthlana hovin Samagra Shiksha Annual Work Plan & Budget 2024-25, 2025-26 atana rawtnate Conference hall, School Education Complex -ah thlirho a ni.

Minister Dr Vanlalthlana chuan thusawiin zirna hi a pawimawh em avangin hunpui lai pawhin inthlahdah mai lova hun leh tha a sen reng thu a sawi a. Kan ram zirna siamṭhat nan kawng hrang hrangin hma lak a ni dawn a, Transfer & Posting rules pawh hman theih turin ammend a ni ang a, School Provincialisation pawh dan ang taka kalpui a ni ang a ti. Minister chuan sorkar hi huaisen takin a kal dawn a, thawktute nen huaisen taka kan kal chuan kan ram zirna hi kan siam ṭha thei ang tih a beisei thu a sawi.

Samagra Shiksha AWP&B thlirhonaah hian UDISE hnuhnung berah private school-ah enrolment a tlahniam nasa tih sawi a ni a, hei hi private school ten zirlaite chungchang ziah luhna SDMIS-ah Department an thawhpui ?hat tawk loh vang a nih thu sawi lan a ni a, private school a enrolment tlahniam avang hian naupang ?hahnem tak sikul kal lo angin a lantir tih tarlan a ni.

Minister hova Samagra Shiksha Annual Work Plan & Budget thlirhona hi State Project Director Pu Lalhmachhuana'n a kaihruai a,  School Education Secretary Dr Lalzirmawia Chhangte bakah Samagra Shiksha SPO Officer te, SCERT Director leh Officer te an tel hlawm a ni.