Vawiin khan Lynchpin leh Zalen chanchinbu tangkawp buatsaih Ni hnih awh tur Edu-Options 2018 Assembly Annex Basement ah School Education Minister Pu H.Rohluna'n  a hawng.

Minister Pu H.Rohluna chuan mizo zirlaite tana India rama zirna in hrang hrang Edu-Option hmanga phochhuah a ni chu lawmawm a ti a, hlawkna uma zirlaite tan zirna in kawhhmuh thin tam tak awm thin chu a ziaawm phah ngei a rin thu a sawi bawk. Pu H.Rohluna chuan tunlaia zirna In te sumdawn nan a hmanga, sawrkar hriatpuina leh phalna neilo a zirna in lem kalpui tam tak an awm laia hetianga Edu-Options 2018 a sawrkar phalna felfai tak nei leh tha a ngaih zirna In hrang hrang zirlaite tana phochhuah a ni hi kan vannei hle, a ti.

Edu-Options hi Mizoramah vawi 16 buatsaihna niin Edu-Options 2018 ah hian  Zirna In te bakah Carrier guidance counseling nan Stall 22 siam a ni a, India rama Zirna In langsar tak tak, AIMS Bangalore, Sharda University Delhi, Amity University Kolkata, Shimla University leh Kalinga University te an tel a, chawhnu lamah EduTalks, zirlaite tan zirna kawng hrang hrang in kawhhmuhna hun mithiamte atangin seminar buatsaih a ni bawk a ni. 

Zalen editor Pu Vanlalrema Vantawl chuan Edu-Options 2018 hawnna hun hi kaihruaiin Chanchinbumite leh zirlaiten  an telpui a ni.