Tunhnai April ni 23 – 27 chhung khan khawchhak tlangdunga pipute hmun hlui leh tunhnai a hmuhchhuah leh haichhuah tharte fang turin Intach pawl member ten heritage tour an nei a, an pawl Convener Pu P Rohmingthanga hovin Khawbung, Vangchhia, Tualcheng, leh Ngur khua te an tlawh. An kal pahin Khuangphah leh Hnahlante pawh an tlawh tel a ni.

Heng an kalnaah hian lungphun, lungdawh, lungrem tam tak bakah Tualchenga hmanlai kulh awm thin te an tlawh a. Vangchhia ah Kawtchhuah Ropui kaltlangin Tiau panna kawngah kalin ASI laihchhuah lungpheka milem ker te an en a. Documentation mumal tak nei in, khawtlang hotute nen inkawmna tha tak an nei zel bawk a ni.