3038/2023-2024

Aizawl, the 14th December 2023: Home Missions School chuan vawiin khan Multipurpose Hall, Pachhunga University College-ah Winter Fest 2023 an hmang a. He hun hi Dr. Vanlalthlana, School Education Minister chuan Khuallian niin a hmanpui.

HMS Winter Fest ah hian Dr.Vanlalthlana chuan Zirlaite fuihna thu sawi a. A thil tumah tluk palh hlau lo tur leh an hlawhtlinna tura tumruh Turin a chah. Minister chuan zirlaite hnenah tun a din hmun thleng tura a zinkawng te leh mi hlawhtling, ramhruaitu a mi hriatte thil tawn a te sawi a. Zirlai te tana tumruhna leh taihmahna pawimawh zia leh hlawhtlinna kawnga harsatna paltlang ngai te sawiin zirlaite chu beiseina eng nena hmalam pan zel Turin a fuih.

He hunah hian Pu Lalthlamuana Hnamte, Principal, Home Missions School chuan inlawmna thua sawi a. Home Mission School atanga mi hlawhtling leh entawn tlak te chanchin a tarlang bawk. Program hi item hrang hrang nena hnawhkhah niin zirlaite tana intihlimna leh infuihna hun atan hman a ni. Home Missions School hi kum 1985-ah din niin tunah hian Aizawlah Branch 4 awmin Champhai leh Kolasib-ah a awm bawk a ni.