3752/2023-2024

9th February, 2024 :  Nimin ni 8.2.2024 (Ningani) khan School Education Minister Dr Vanlalthlana chuan Govt. High School, Lunglei Zohnuai, Govt. Middle School, Lunglei Zohnuai Govt. Primary School, Lunglei Zohnuai, Govt. Middle School, Haulawng leh Govt. High School, Haulawng, Govt. Primary School-III, Sialsuk, Govt. Middle School-I, Sialsuk, leh Govt. High School, Sialsuk te a tlawh.

Minister hian zirlaite fuihna thu a sawi bakah school-in harsatna hrang hrang an tawhte sawipuiin school mamawh te a enpui a. Khawtlang hruaitute pawh kawm telin khawtlangin neitu rilru pu chunga an veng leh khaw school-te enkawl turin a sawm.

Neitu nihna rilru pu khawtlang apiangah sawrkar school-te an ṭha bik tih a sawi a. School zirtirtute pawh khawtlang hruaitu VC leh NGO-te thawhpui thiam turin a chah.

Heng school a tlawhnaah hian SED Minister chuan, sawrkar laipui scheme pakhat Vidyanjali chu Mizorama ṭha taka kalpui ve a ṭul thu a sawi a. He scheme kal tlang hian khawtlang mipuite, school aṭanga zir chhuak tawhte, leh zirna atana ṭhahnem ngaiten an thiamna bakah bungrua leh ṭul dang ilo te school tan an pe-in an hlan thei tih sawiin, mipuiten school hi vantlang ta a nihna an hriat thiam pauh leh school hmawsawn nan ṭhahnem an ngai ṭhin a, chu chuan school tan rah ṭha a chhuah ṭhin a, a tawpa chhawrtu chu khawtlang leh ram tho a nih thu a sawi.

Minister hian tun kar chhungin Lunglei leh Lawngtlai a fang a. School harsatna leh mamawhte a hmuna enpuiin, hmun hla zawka awmte tana ama pisa-a kal ngai lovin school zirtirtute leh khawtlang hruaitute nen inkawmna an nei ṭhin a ni.