1951/2023-2024

Vawiin khan School Education Minister Pu Lalchhandama Ralte chuan Sakawrdai High School a hawng.

Pu Lalchhandama Ralte chuan he sikul hawnna puala lokal khawmte hmaah thusawiin Sakawrdai hmasawnna tura High School neihsa belhchhaha High school thar din a ni ta chu lawmawm a tih thu a sawi a, he school ațang hian HSLC a top ten te leh mi hlawhtling tak tak hrin chhuah tum turin a fuih a, zirlaite chu tun lai khawvel, mithiam apiangte an din khawchhuahna khawvelah hian he sikul ațanga zir te chu duai bik lo tur leh mahni hma su kaw ve thei nih tum turin a fuih a ni. He sikul a din theihna tura khawtlang hruaitute țhahnemngaihna leh inpekna te, zirna kawnga an rualawhna te chu fakawm a tih thu a sawi bawk.

He sikul hi kum 2019 a din a ni a, a building hi MLA fund ațanga sak a ni. Tunah hian zirtirtu 5 leh zirlai 65 an awm mek a ni.

Sikul thar hawnnaah hian Shinlung Hills Council hotute, khawtlang hruaitute leh mipuite, zirtirtute leh zirlaite an tel a ni.