No.7788/2020-2021

Aizawl, 13th March, 2021 : Vawiin khan School Education Minister Pu Lalchhandama Ralte chuan Serchhip-a zirna hmun thenkhat te a tlawh a, school building tih changtlun dan turte leh building sak mek te a hmunah a enfiah.

Minister hian Serchhip DIET building zawm san dan turte leh an hostel building sak te, Govt. Serchhip Higher Secondary school building sak mek te, Govt Serchhip High School building sak mek te, Govt Serchhip Chanmari Middle School leh Field veng Primary School-te a tlawh a.

Heng zirna hmun pawimawh a tlawhna ah te hian Minister chuan amah lo dawngsawngtute hnenah thu sawiin sorkarin zirna a ngaih pawimawh avangin zirna hmun hma tihchangtlun dan kawng dap chhoh zel a ni a, a ti a. Building hlui tawh  sak țhat te, building țha awm sa te pawh a țul anga sak zawm tura hma lak chhoh zel a nih thu a sawi a. Sorkarin zirna tih changtlunna tura hma a lak na te hi theihtawpa tawiawm turin khawtlang hruaitute a sawm a.  Zirna siam tha turin hmun tinah zirnain hmun pawimawih a chan a, ngaih pawimawh a hlawh a ngai a ni a ti. School building leh Hostel sak mek a tlawhnaah hian a satute chu drawing anga sa turte, a luahtu turte lungawina tling khawpa sa turin a chah a ni.  

School Education Minister-in Serchhip-a zirna hmun a tlawhnaah hian Er H.Lalzirliana MLA, Pu H.Biakzauva MLA, Pu Lalhmachhuana Jt Director School Education ten an tawiawm a.  Serchhip-a School Education Officer te, Department-a thawktute leh khawtlang hruaituten an lo dawngsawng a ni.