No.7787/2020-2021

Dated Aizawl, the 13th March, 2021: Vawiin khan India state hrang hranga Jal Jeevan Mission ministers’ conference neih-ah Deputy Chief Minister Pu Tawnluia chu Video Conference kaltlangin a tel a. Mizoram sawrkar-in Jal Jeevan Mission hnuaia hmalakna hrang hrang leh mamawh a neih te Shri Gajendra Singh Shekhawat, Hon’ble Minister, Jal Shakti, Shri Rattan Lal Kataria, Hon’ble Minister of State, Jal Shakti leh officials dangte hnenah a thlen a ni.

Deputy Chief Minister Pu Tawnluia chuan Jal Shakti Mission (JJM) hlawhtlin theihnan State Matching Share atan theihtawp chhuah a ni tih a sawi a, April ni 1, 2020 a sawrkar record atangin Household Water Connection 1,26,827 mamawh a nih  thu a sawi a, Kum 2019-20 inkarah 25079 FHTCs (Functional Household Connections) leh  Kum 2020-21 inkarah 22451 FHTCs neih a nih thu a tarlang a. Tum dan chuan Kum 2021-22 leh 2022-2023 chhungin 69,7895 FHTCs neih tum a nih thu a sawi a.  Kum 2021-22 atan Mizoram sawrkar chuan Jal Jeevan Mission atan Rs 248.45 crore, budget ah a dah thu a tarlang bawk a ni. Deputy Chief Minister chuan Mizoram-ah JJM hmalakna atan sawrkar laipuiin fund a hun taka an lo pek loh avanga harsatna te a tarlang a, kum 2019-20 chhung khan Rs 88 crore fund mamawh a nih lain Rs 69.88 crore chauh fund Mizoram pek a nih thu te, Kum 2020-21 ah Rs 134 crore fund mamawh anih lain, Rs 89.41 crore pek a ni a, Rs 63.71 crore deficit a nih thu Ministry hnenah a tarlang bawk a. Pu Tawnluia chuan  Jal Shakti Minister hnenah hian Rs 63.71 crore chu Mizoram ah Jal Jeevan Mission hlawhtling taka kalpui a nih theih nan pek belh turin a ngen bawk a ni